четврток, 21. октомври 2021. Вести денес: 93
home Вести

ФОТО: Гори механизација- Колку СДСМ се грижи за механизацијата во РЕК Осломеј?

ФОТО: Гори механизација- Колку СДСМ се грижи за механизацијата во РЕК Осломеј?

На сликата гледаме како гори дел од механизацијата во РЕК Осломеј. Нема информации која е причината што го предизвикала пожарот, но багерот е во пламен повеќе од еден час и сеуште нема интервенција од противпожарната служба за гасење на пожарот и превенција од ширење на истиот. Исто така нема информација дали е некој од вработените повреден, велат од Комисијата за енергетика на ВМРО-ДПМНЕ.

-Крајно недозволиво е ова што се случува со механизацијата во РЕК Осломеј. Негрижата за техничката исправност на механизацијата и нејзиното секојдневно користење како таква, е единствена причина за избувнување на пожарот. Со тоа, не само што имаме опожарена и уништена механизација, туку во опасност по својот живот се ставени операторите и останатите вработени во РЕК Осломеј. Со РЕК Осломеј раководи неспособен тим кој незнае што треба да превземе во случај на пожар, затоа што и по повеќе од еден час од кога е настанат пожарот, нема реакција од раководството за санирање на истиот, сеуште нема противпожарни екипи на самото место. Раководството на РЕК Осломеј воопшто не се грижи за механизацијата и функционалноста на комбинатот, подвлекуваат од Комисијата и додаваат:

„Ова е само мал дел од мозаикот на владеењето на СДСМ и нивното управување со нашите енергетски капацитети. Затоа и енергетиката денес како и целокупната состојба во државата се пред распаѓање.
Одговорност за нивното владеење мора да има. Потребно е што поскоро нивно заминување од власт и доаѓање на нов и стручен тим во енергетиката кој што ќе се грижи за општествените добра на нашата држава“.

Локални избори 2021