недела, 29. ноември 2020. Вести денес: 22
home Вести

Фирмата на Усеини влегла на тендерот за рушење на дивоградбите во Охрид

Фирмата на Усеини влегла на тендерот за рушење на дивоградбите во Охрид

Нефи Усеини од ДУИ – сопственик на новоотворената пицерија дивоградба кај Чинарот во Охрид, во разговор за „ТВ 24“ потврдува дека неговата фирма Нефи ИК е една од двете пријавени на тендерот за избор на фирма што ќе ги руши дивоградбите во Охрид.

Во четвртокот вечерта, со многу огномет и во друштво на струшкиот градоначалник и сопартиец – Рамиз Мерко, Усеини свечено ја пресече лентата на локалот „Луна“ во заштитениот појас од УНЕСКО.

Објектот се очекува (или можеби не) да биде срушен „штом се создадат услови“, како што најави охридскиот градоначалник Константин Георгиевски. Како една од причините што тие услови сè уште не созреале, се наведува токму тоа што сè уште не е избрана фирма за уривање, истакнува „ТВ 24“.

Доколку Охрид избере проблемите со дивоградбите, вклучително и таа на Нефи Усеини, да му ги решава фирмата на Нефи Усеини, тоа ќе значи дека општината Охрид ќе треба да му плати на Усеини за да ја урне сопствената дивоградба. Сепак, тоа нема да биде прва зделка на Нефи ИК со Охрид. Напротив.

Коронавирус