петок, 15. јануари 2021. Вести денес: 163
home Вести

Филипче: Завршниот извештај за смртта на родилката од Свети Николе го очекуваме идната недела

Филипче: Завршниот извештај за смртта на родилката од Свети Николе го очекуваме идната недела

Се подготвува единствен извештај за причините за смртта на 28-годишната родилка од Свети Николе, која почина во штипската Клиничка болница пред повеќе од еден месец, информираше вчера во штип министерот за здравство Венко Филипче.

Соопшти дека се изготвени извештаите од комисијата која ја формираше Министерството за здравство и наодите од Судска медицина.

– Комисијата работи на еден единствен извештај, којшто ќе произлезе и од увидот и од извештајот од Институтот за судска медицина. Се чекаше затоа што дел од комисијата користеа годишни одмори, сега веќе работи комисијата. Верувам дека следната недела ќе го имаме завршниот извештај, рече Филипче.

Дваесет и осумгодишната  родилка Маја Паневска од Свети Николе почина минатиот месец на акушерското одделение во Клиничка болница-Штип откако роди здраво машко дете. Паневска била прворотка и имала нормална бременост.

Завршниот извештај треба да даде одговор за причината за смртта, кој го чека и нејзиното семејство. (МИА)

Коронавирус