сабота, 28. ноември 2020. Вести денес: 0
home Вести

По три дена Филипче се предомисли: „Не знаеме сигурно дали ќе се врати коронавирусот наесен“

По три дена Филипче се предомисли: „Не знаеме сигурно дали ќе се врати коронавирусот наесен“

Пред три дена министерот за здравство, Венко Филипче рече дека е сигурен оти наесен ќе има нов бран на коронавирус во земјата.

Изјавата на Министерот за здравство од страна на владејачката СДСМ беше протолкувана како причина за брзи избори.

Но, по само три дена министерот Филипче се премисли. Тој денеска рече дека не е сигурен, туку дека станува збор за претпоставка базирана на неколку факти.

И инфектологот Вело Марковски, пред неколку дена за ТВ21 рече дека станува збор за претпоставка, бидејќи никој не може да знае дали вирусот повторно ќе се врати.

Првиот човек на здравство, информираше дека се изготвени протоколи за постепено враќање на земјата во нормала и дека истите ќе бидат презентирани во текот на следната недела.

Инаку, проекција од универзитетот за технологија и развој во Сингапур за Македонија предвидува 97 остсто исчезнување на Ковид-19 на 13 мај, 99 отсто на 22 мај, а целосно коронавирусот во нашата земја ќе го снема на 16 јуни.

Коронавирус