петок, 29. јули 2022. Вести денес: 0
home Вести

Доктор Беќаровски: Бројките на ковид случаи рапидно ќе растат во следните недели

Доктор Беќаровски: Бројките на ковид случаи рапидно ќе растат во следните недели

Докторот од Клиниката за токсикологија и професор на Медицинскиот факултет, Нико Беќаровски објави дека бројките на новозаразени со Ковид-19 ќе се зголемуваат во наредниот период.

-Бројките во дневната статистика за Ковид-19 ќе започнат рапидно да растат во следните недели како резултат на доаѓањето на Омикрон-БА 4 и 5 и тоа е лошата вест. Добрата вест е што сепак болниците ќе ни останат полупразни, напиша на Фејсбук доктор Нико Беќаровски.

Министерството за здравство вчера информираше дека од направени 1.101 тест,  регистрирани се 168 нови случаи на КОВИД-19.

Од нив во Скопје – 91, Битола – 12, Кавадарци, Тетово и Охрид – по 10, Велес – 9, Прилеп – 5, Штип и Струмица – по 3, Куманово, Гостивар, Струга, Ресен и Крушево – по 2, Кочани, Неготино, Радовиш, Крива Паланка и Дебар – по 1.

Од вкупниот број на позитивни (168), регистрирани се 28 реинфекции.

Регистрирани сe 90 оздравени пациенти од: Скопје – 59, Куманово и Битола – по 7, Охрид – 5, Кавадарци и Штип – по 3, Прилеп, Тетово, Велес, Гостивар, Кичево и Ресен– по 1.

Коронавирус