сабота, 10. април 2021. Вести денес: 89
home Вести

Димовски: Со денешното отворањe за можноста за формирање Влада на национален спас, се покажа дека гласањето на (само)доверба е со краток рок!

Димовски: Со денешното отворањe за можноста за формирање Влада на национален спас, се покажа дека гласањето на (само)доверба е со краток рок!

Денешното отворање на условената можност за формирање заедничка или Влада на национален спас само покажа дека собраниското изгласување на (само)доверба е со краток рок на траење, реагира пратеникот и лидер на СПМ Љупчо Димовски.

Дотолку повеќе што тоа претставува потврда за некомпактноста на парламентарното мнозинство за какво што се сакаше да се претстави. Тоа е и горчливо признание дека Владата е без капацитет и дека, во услови на здравствена криза и последиците од неа, кај неа отусутвува идеја за изнаоѓање на соодветни ефикасни решенија со кои би се справила со секојдневните проблеми со кои се соочува.

Веднаш по последните парламентарни избори, свесна за состојбата во која се наоѓа Република Македонија, но и за нискиот капацитет на мнозинството и распоредот на пратеничките мандати во Собранието, опозицијата предложи формирање на експертска влада која ќе ги обедини и ќе ги вклучи сите креативни сили во државата. По седум месеци повторно се наоѓаме на почетокот, меѓутоа потрошено е драгоцено време.

Патем, токму персоналното условување на можноста за формирање на „задничка“ или некаква друга влада остава првичен впечаток за потребата од претпазливост за нејзината искреност и можноста од краткорочно придржување кон неа, пишува Димовски во својата објава.

Коронавирус