понеделник, 30. март 2020. Вести денес: 78
Актуелна тема

Од минута во минута за ситуацијата со коронавирусот во Македонија и светот

home Вести

Детали за земјотресот кој го стресе и Скопје

Детали за земјотресот кој го стресе и Скопје

„Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, попладнево на 11.8.2018 година во 17 часот и 38 минути регистрирaше земјотрес со Рихтерова магнитуда од 5.0 чиј епицентар се наоѓа 115 км. југозападно од Скопје и се наоѓа во соседна Албанија“. Ова е дел од соопштението што предмалку го испратија од Сеизмолошката опсерваторија при Природно-математичкиот факултет во Скопје.

Оттаму информираат дека „Земјотресот беше почувствуван и на територијата на Република Македонија и тоа најсилно во Дебар околината со интензитет од IV степени според Европската макросеизмичка скала, во Охрид, Струга, Кичево и Гостивар со интензитет од III-IV степени и во Скопје и Тетово со интензитет од III степени според истата скала“.