вторник, 10. декември 2019. Вести денес: 133
home Вести

Денеска се празнува Преподобната Анастасија Римјанка

Денеска се празнува Преподобната Анастасија Римјанка

Според календарот на МПЦ (Јулијанскиот календар) денеска е 29 октомври.

Денеска е Преподобна маченичка Анастасија Римјанка и св. мач. Кирил.

Света Анастасија е родена во Рим од благочестиви родители. На тригодишна возраст останала сираче и ја прибрал еден манастир, во кој игуманија беше некоја Софија. Поминаа 17 години и света Анастасија се прочу меѓу христијаните по доблесниот живот, а меѓу паганите по убавината.

Кога тогашниот градоначалник слушна за неа, испрати луѓе да му ја доведат. На судот, света Анастасија изјави дека е христијанка и беше ставена на маки. Додека ја измачуваа, таа два пати побара вода.

Некој христијанин, по име Кирил, и пристапи и ја напои. Заради тоа му ја отсекоа главата. Најпосле, и света Анастасија ја изведоа надвор од градот и ја погубија, а Софија го најде нејзиното тело и чесно го погреба. Света Анастасија и свети Кирил пострадаа за Христа за време на Декиј (249-251).