вторник, 26. јануари 2021. Вести денес: 170
home Вести

Денеска блокади во Скопје и протести во 15 градови: Оставка на Заев, слобода на народот!

Денеска блокади во Скопје и протести во 15 градови: Оставка на Заев, слобода на народот!

ВМРО-ДПМНЕ денеска во 15 часот ќе ги блокира раскрсниците пред Владата и кај Министерството за надворешни работи.

Во 18 часот ќе се одржат протести и во 15 градови ширум државата.

Време е граѓаните на Куманово, Македонска Каменица, Пробиштип, Делчево, Пехчево, Берово, Виница, Радовиш, Валандово, Дојран, Велес, Кавадарци, Прилеп, Битола и Охрид да се обединат против злото наречено Зоран Заев и СДСМ.

-Продолжуваме заедно со народот во битка за одбрана на честа и достоинството на македоската држава и македонскиот народ. Нема да дозволиме понижување и распродажба на државните и национални интереси, и токму затоа сите заедно сплотени, во масовен број ќе испратиме порака дека Зоран Заев и СДСМ мора да заминат час побрзо бидејќи на Македонија и донесоа само порази и неуспеси, велат од партијата.

Протест сега, за да не биде предоцна! Оставка на Заев, слобода на народот, велат од ВМРО-ДПМНЕ и ги повикува граѓаните да им се приклучат.

Најнови вести

Коронавирус