среда, 23. септември 2020. Вести денес: 83
home Вести

Денешен: Како политичките притисоци ги направија судиите сервилни?

Денешен: Како политичките притисоци ги направија судиите сервилни?

Адвокатите кои добро ги познаваат судиите коментираат за некои од нив дека не можат да ги препознаат во судница кога се судат некои од политичките процеси, како што е на пример судско- политичкиот процес на СЈО. Еден таков случај е судјата Бошевски, објавува порталот ДЕНЕШЕН.

За него, како што дознава Денешен, од тројца адвокати кои побараа да останат анонимни, во минатото имаше мислење дека е еден од најпрофесионалните и совесни судии, дека е многу смирен, сталожен, сериозен, се држи до законот и неосудува некого без цврсти докази дека е виновен.

Но, сега велат адвокатите, не можеме да го препознаеме.

-Најпрвин бевме изненадени кога се најде на листата на партиските судии кои треба да ги судат функционерите на ВМРО-ДПМНЕ, што секому му е јасно дека е еден политички процес со политички цели, а без правна подлога. За таа цел, незаконски прибавените аудио снимки со притисок врз поранешниот претседател на апелациониот суд Светлана Шопова се прогласија за законски доказ, надвор од сите законски норми и меѓународни искуства. Свесни дека и тоа нема да им помогне, се отиде на следен чекор, со кој се сменија сите судии и се постави нов тим на проверени и докажани партиски луѓе на СДСМ во редот на судиите, вели еден од адвокатите кој инсистира на анонимност, пишува порталот.

Најголемо изненадување за повеќето адвокати било името на Горан Бошевски.

-Кога не’ прашаа обвинетите каков судија е овој, повеќето од нас кажавме дека е професионален и политички непристрасен. Барем за таков важеше. Денес не можеме да го препознаеме. Од еден смирен и сталожен судија гледаме еден нервозен човек, човек кој со значително повишен тон и викање се обраќа кон одбраната, а преде како маче кога се обраќа кон обвинителите. Од еден самоуверен судија се претвори во судија кој со шепотење ги објавува незаконските и очигледно одлуки кои ги носи под политички притисок за кој мислевме дека нема да го прифати. Од еден стручен судија, гледаме човек кој си го гази сопствениот интегритет и нема храброст дури да не гледа ни во очи кога ни одговара на нашите барања и преставки, отфрлајќи ги без основ, вели за Денешен друг адвокат.

Третиот адвокат за порталот, појаснува дека кај споменатиот судија колку и да се труди, многу е забелжлив притисокот кој го има од политиката. Според адвокатот тоа во никој случај не го амнестира од одговорност, но очигледно е дека прв пат си дозволил да стане инструмент на една политичка гарнитура на власт која спроведува политичко сценарио во судот.

-Последното рочиште го стави во многу непријатна ситуација. Очигледно е дека претходно бил сериозно опоменат да тера побрзо и безкурполозно како и поголем дел од неговите колеги, и очигледно имаше добиено норма што треба да ја одработи, а тоа беше да почне емитувањето на снимките по секоја цена. Не можам да поверувам што на ова рочиште одби и отфрли и што се погази Горан . Дури и барањето камерата при снимањето на судскиот процес да ги опфати сите актери во процесот, а не само обвинетите и нивната одбрана го одби. А тоа е законска обврска. Од срам да не се снимаат што прават во салата, да не се снимаат како им дошепнуваат и соработуваат со обвинителите, судиите, спротивно на закон камерите ги наместија на таков начин да не се гледа судијата, да не се гледа на камерата ниту СЈО, туку само обвинетите и адвокатите, што е целосно спротивно на законот, велат адвокатите за Денешен.

Коронавирус