среда, 25. април 2018. Вести денес: 77
home Вести

Црвените линии на ВМРО-ДПМНЕ се: Нема преговори за идентитетот и промена на Уставот со цел промена на уставното име

Црвените линии на ВМРО-ДПМНЕ се: Нема преговори за идентитетот и промена на Уставот со цел промена на уставното име

Костадин Богданов, член на Извршниот Комитет на ВМРО-ДПМНЕ уште еднаш ги потврди црвените линии на партијата во однос на преговорите за името со Грција во вечерашната емисија ,,Отворено’’ на ТВ 24. Истакна дека ВМРО-ДПМНЕ како и претседателот Христијан Мицкоски во повеќе наврати ги истакнале црвените линии на најголемата опозициска партија во однос на преговорите за името.

Тој вели дека ВМРО-ДПМНЕ не прифаќа промена на Уставот со цел промена на уставното име, како и преговори за македонскиот идентитет.

Според Богданов, опозицијата не е доволно информирана за едно вакво клучно прашање.

-Опозицијата нема доволно информации, информациите ги добива од медиумите, а што е најтрагично од грчките медиуми, рече Богданов.

Посочи дека преговорите се одговорност на власта, а македонскиот народ заслужува достоинствено решение на проблемот.