сабота, 31. јули 2021. Вести денес: 0
home Вести

Чулев: За упадот на Владата и мешањето во работата на МВР ќе ја известам меѓународната заедница, ќе следува и кривична пријава

Чулев: За упадот на Владата и мешањето во работата на МВР ќе ја известам меѓународната заедница, ќе следува и кривична пријава

Министерот за внатрешни работи Наќе Чулев преку пост на Фејсбук пишува дека Владата на а денешната седница го поништи решението кое го потпишал за назначување на началник на СВР Тетово.

-Владата на денешната седница го поништи решението кое го потпишав за назначување на началник на СВР Тетово. Ова место беше едно од 15-те места кои ми следуваат согласно Законот за влада, како министер во техничката влада.
Истата ваква одлука со која владата првично го поништи ваквото решение, претходно од моја страна беше обжалена до Државната комисија за спречување на корупција која констатираше дека Владата направила пропуст при поништувањето на решението и првичната одлука на Владата ја поништи. Но и покрај ваквиот заклучок од ДКСК, Владата денес повторно носи иста одлука.
Со денешното силеџиско постапување повторно е прекршен Законот за влада, а дополнително денешната одлука предложена од страна на ДУИ, а аминувана од страна на СДСМ е уште еден доказ дека нивната коалиција блеска во полн сјај. ДУИ и СДСМ имаат спротивставени мислења само во јавноста и тоа е само еден блеф. Нивниот меѓусебен однос на владините седници фукционира идеално и без никаква пречка.
Во оваа прилика ја информирам јавноста дека во однос на денешното постапување на Владата, во текот на утрешниот ден ќе поднесам кривична пријава, но и за ваквиот упад и мешање во работата на Министерството за внатрешни работи ќе бидат запознати и претставниците на меѓународната заедница, стои во неговиот пост на Фејсбук.

Владата на денешната седница го поништи решението кое го потпишав за назначување на началник на СВР Тетово. Ова место…

Gepostet von Наќе Чулев am Dienstag, 23. Juni 2020

 

Коронавирус