сабота, 28. март 2020. Вести денес: 20
Актуелна тема

Од минута во минута за ситуацијата со коронавирусот во Македонија и светот

home Вести

Чулев за полицајците кои им се закануваат на граѓаните: Едниот е веднаш cycпендиран, а пpoтив другиот ќе биде покрената соодветна диcциплинска постапка

Чулев за полицајците кои им се закануваат на граѓаните: Едниот е веднаш cycпендиран, а пpoтив другиот ќе биде покрената соодветна диcциплинска постапка

Социјалните мрежи беа преплавени со фотографии од објавата на двајца полициски службеници кои на непристоен начин им се заканија на граѓаните дека мора да го почитуваат полицискиот час.

Министерот за внатрешни работи, Наќе Чулев во гостувањето во Топ Тема посочи дека против двајцата полициски службеници се превземени потребните мерки бидејќи според него нивното однесување било крајно неодговорно и несовесно.

Тој истакна дека едниот полициски службеник веќе е суспендиран додека против другиот ќе биде покрената соодветна дисциплинска постапка.

-Се работи за крајно неодговорно и несовесно однесување на двајца полициски службеници, ние веднаш како министерство за внатрешни работи, јас лично дадов задача на одделот за внатрешна контрола, криминални стандарди и криминалистички истраги и тие констатираа дека се работи за двајца полициски службеници од полициската станица во Ѓорче Петров. При што против нив се превземени веднаш мерки, едното лице е веднаш суспендирано, а против другото лице ќе биде превземена соодветна дисциплинска постапка. За она лице, бидејќи станува збор за две лица на социјалните мрежи кое што на неговиот Фејсбук профил објави слика ќе биде суспендирано додека за другото лице ќе биде покрената соодветна дисциплниска постапка, вели Чулев.