недела, 11. април 2021. Вести денес: 118
home Вести

Британскиот сој на КОВИД-19 ја турка земјата кон нов бран, Филипче спие

Британскиот сој на КОВИД-19 ја турка земјата кон нов бран, Филипче спие

За само еден месец откако беше регистриран првиот случај на британскиот сој на корона во Македонија, поради способноста да се шири за дури 70% побрзо од обичниот КОВИД-19, според истражувањата на Клиничката болница Жан Митрев, истиот веќе е присутен кај 70% од случаите.

Во последните денови поради карактеристиките на овој сој на КОВИД-19 забрзано започнаа да растат и бројките на новозаразени што земјата ја носи кон уште еден бран за кој не се знае до каде може да стигне и од колкави размери ќе бидат последиците од истиот.

Само во последната недела во Македонија имаше 3525 заразени и 74 починати лица, но и понатаму не се превземени никакви мерки во оваа насока и покрај најавите на министерот за здравство Венко Филипче дека состојбата ќе се следи и доколку трендот на зголемување на бројките продолжи ќе бидат преземени дополнителни мерки.

Ситуацијата од ден на ден се влошува и во болниците чии капацитети забрзано се пополнуваат особено во градовите во кои е присутна оваа форма на вирусот, односно во Кавадарци, Прилеп и Охрид, а мерки не се воведуваат ниту барем по овие градови, иако вирусот е веќе проширен и тешко ќе биде воспоставување контрола на истиот кога веќе е широко распространет.

Од друга страна пак и процесот на вакцинација во земјта оди многу споро и не се знае кога точно ќе пристигнат вакцините во земјата бидејќи сите најави од страна на властите за пристигнување на истите се покажаа како неточни и истото не се случи. Во државата требаше да пристигнат 200 илјади дози од кинеската вакцина „Синофарм“ , но вчера од страна на Министерството за здравство беше објавено дека е повлечен авансот кој беше уплатен за набавка на истите на барање на кинеската страна поради усогласување на документацијата. Од таму велат дека договорот за оваа набавка сепак не е откажан, но како и да е одолговлекување на процесот има во секој случај и не се знае кога точно ќе стигнат, а ваквото каснеќе кошта човечки животи.

Коронавирус