сабота, 6. јуни 2020. Вести денес: 98
Актуелна тема

Од минута во минута за ситуацијата со коронавирусот во Македонија и светот

home Вести

Боки 13 презентира инстаграм фотографии како докази дека оргиналната облека и накит ги купувал во 2013 година

Боки 13 презентира инстаграм фотографии како докази дека оргиналната облека и накит ги купувал во 2013 година

Во Кривичниот суд денешното рочиште за случајот ,,Рекет” започна со презентирање на инстаграм-фотографии како докази од страна на осомничениот Бојан Јовановски – Боки 13.

Тој напомена дека инстаграм-фотографиите можат да се приложат како доказ затоа што на социјалните мрежи се регистрира датумот и времето кога е направена фотографијата.

Боки 13 истакна дека тие предмети што ги опишува се одземени од Обвинителството.

Прикажаните фотографии се направени во период од 2013 до 2019 година.

Осомничениот наведува каква облека, накит, аксесоари или чанта носи на предметната фотографија, како и од кој бренд се предметите и датумот кога е објавена фотографијата на социјалната мрежа Инстаграм.

Денешното рочиште ќе продолжи со приложување на докази од страна на осомничениот Јовановски.

Како што е предвидено, осомничената Катица Јанева на денешното рочиште треба да ги предложи нејзините сведоци.

Коронавирус