среда, 28. октомври 2020. Вести денес: 119
home Вести

Би-Би-Си го демантира Филипче, ја смести Македонија во земји со најголема смртност од КОВИД-19 во Европа

Би-Би-Си го демантира Филипче, ја смести Македонија во земји со најголема смртност од КОВИД-19 во Европа

Иако секојдневно во Македонија имаме троцифрен број на новозаразени од коронавирус, министерот за здравство Венко Филипче вели се е под контрола. Наспроти ваквите тврдења од здравствените власти, Би-Си-Си ја стави Македонија во земјите со најголема смртност во Европа.

Филипче на неговиот профил на социјалните мречи напиша дека ситуацијата е под контрола и во изминатаат недела има намалување на бројот на нови позитивни случаи и починати.

„Намалување на нови позитивни случаи и починати, а зголемување на бројот на оздравени бележи последниот извештај на Институтот за јавно здравје за периодот од 21 до 27 септември. Од 9.691 тестирања дијагностицирани се 890 новозаболени, 6,4% помалку во однос на минатата недела‘‘,  вели министерот Филипче.

Наспроти ваквите тврдења на здравствените власти во Македонија, Би-Би-Си ја смести земјава во рангот на земји со најголема смртност во Европа и земја со најлоша слика на Балканот.

Македонија има убедливо најлоша корона слика на Балканот и е меѓу земјите кои имаат најголема смртност во Европа, покажува најновата анализа на националниот британски медиумски бренд Би-Би-Си.

Па така, во британскиот медиум BBC пресметале дека со 34,6 починати на 100 илјади жители Македонија има најголема смртност во регионот. Најблиску до нас е Косово каде на 100 илјади жители починале 26,4. Следи Црна Гора и Босна и Херцеговина.

Од соседите, освен Косово, сите останати имаат три пати помала смртност отколку во Македонија, а во Грција смртноста е за дури 10 пати помала. Во Албанија починале 12,9 пациенти на 100 илјади жители, 11,2 во Бугарија, 10, 7 во Србија и само 3,5 во Грција.  Во европски рамки Македонија е на деветтото место. Најлоша е сликата во Белгија по што следат Шпанија и Велика Британија.

Од Министерството за здравство, пак, објаснуваат дека високата смртност во Македонија се должи на различната методологија која земјава ја користела за евиденција на смртните случаи.

Коронавирус