среда, 21. октомври 2020. Вести денес: 75
home Вести

Бесплатна правна помош за тетовци

Бесплатна правна помош за тетовци

Во Тетово денеска се отвори штандот за правна помош на граѓаните на Тетово од страна на младите правници на овој регион, во рамки на проектот „Мобилни тимови за правна поддршка на поединци и семејства со ниски приходи“, финансиски поддржан од ЕУ.

Проектот исто така ќе се спроведе и во планинските села, и тоа на населените места с. Гајре, Лавце и Порој.

Целта на „Отворениот ден со граѓаните на општина Тетово“ е од промотивен карактер и запознавање на граѓаните со мобилниот тим составен од двајца адвокати и двајца правници, кои ќе обезбедуваат директна правна помош на населението од Скопски и Полошки регион.

– Заинтересираните граѓани на Општина Тетово кои ќе пријават определен правен проблем, ќе имаат можност од мобилниот тим да добијат директен правен совет или правна информација, рече Вулнет Зенку претседател на здружението „Мултикултура“, што е дел од овој проект.

Правната помош ќе се обезбедува со теренски посети во рурални и исклучени средини од Скопскиот и Полошкиот регион, каде живеат поединци и семејства со ниски приходи, кои поради социјалната исклученост не можат да остварат низа од своите права во различни правни области, од социјална и здравствена заштита, преку присилно извршување и правото на сопственост па до заштита на права од работен односи и заштита од дискриминација.

Проектот „Мобилни тимови за правна поддршка на поединци и семејства со ниски приходи“ поддржан од ЕУ, цели кон зајакнување на пристапот до правда на најранливи категории граѓани.(МИА)

Коронавирус