четврток, 26. ноември 2020. Вести денес: 99
home Вести

Беса: Ние ќе гласаме, ДУИ се моли законот за ЈО да не се донесе

Беса: Ние ќе гласаме, ДУИ се моли законот за ЈО да не се донесе

Движењето Беса ќе гласа за законот за јавно обвинителство, најави генералниот секретар Аријанит Хоџа на својот Фејсбук профил, откако Артан Груби од ДУИ ги повика партиите од албанскиот блок да го поддржат законот. Во својата реакција Хоџа го обвини Груби и неговите сопартијци дека глумат во јавност дека го поддржуваат законот, а всушност како што вели, се молат да не успее гласањето.

-Артан Груби повика Движењето БЕСА да гласа за нацрт-законот за Јавното обвинителство, додека според информациите што ги поседуваме ние некои пратеници на ДУИ се молат да не успее гласањето, бидејќи тие ги знаат последиците. Исто така,целата јавност знае дека ДУИ како и ВМРО не сакаат овој закон да се донесе, но меѓународните пријатели од САД и ЕУ јасно го кажаа својот став дека овој закон е усогласен и одобрен од нивните експерти, така што Артан Груби и ДУИ се обидуваат да го покриват сонцето со сита со своите повици што личат на таа изрека: „Барам работа, но му се молам на Бога да не најдам работа“. Движењето БЕСА ќе гласа за нацрт-законот бидејќи истиот закон по 12 април ќе овозможи сите тие што извршил криминал и корупција да завршат во затвор – напиша Хоџа на Фејсбук.

Пред неколку дена пак, пратеникот на Беса, Фадил Зендели, изјави дека нема да гласаат, бидејќи не биле консултирани за последната верзија на законот.

Коронавирус