среда, 20. октомври 2021. Вести денес: 25
home Вести

„Анкетите покажуваат предност на ВМРО-ДПМНЕ пред СДСМ од над 4.2%, и водство на претседателот Мицкоски пред Заев“

„Анкетите покажуваат предност на ВМРО-ДПМНЕ пред СДСМ од над 4.2%, и водство на претседателот Мицкоски пред Заев“

ВМРО-ДПМНЕ е со над 4.2% предност пред СДСМ покажуваат мерењата на јавното мислење на граѓаните на „Организацијата за граѓански активизам и независност“. Овие анкети само ја покажуваат реалната слика на терен, каде на граѓаните им е смачено од погрешните политики на власта и безизлезноста во која ја втурнаа државата, стои во соопштението на ВМРО-ДПМНЕ.

Од партијата велат дека анкетите ја покажуваат големата поддршка на граѓаните на понудата на ВМРО-ДПМНЕ и политиките „Македонија за сите луѓе“ кои беа презентирани во текот на месеците јули и август, а опфаќаат проекти, мерки и визија за Македонија.

– ВМРО-ДПМНЕ е силно мотивирана од големата поддршка која ја добива од граѓаните, а која пред се е видлива при теренските посети, ваквата поддршка само ќе се зголемува во очи на локалните избори. Поддршката која ја има Коалицијата ВМРО-ДПМНЕ – АА – А е воочлива и е пред тандемот СДСМ – ДУИ. Власта паѓа. Поддршката која ја има претседателот на ВМРО-ДПМНЕ проф. Др. Христијан Мицкоски наспроти Зоран Заев покажува дека граѓаните сакаат лидери со визија и интегритет, а не луѓе како Заев кои се заглавени во криминалот, посочуваат од ВМРО-ДПМНЕ.

Тие додаваат дека граѓаните сакаат стабилност, раст и развој. И тоа се докажува со анкетите од каде се гледа точно какви политики поддржуваат граѓаните.

Локални избори 2021