понеделник, 24. февруари 2020. Вести денес: 146
home Вести

Андоновски: Бизарно е СДСМ да се оградува од Јанева и СЈО, бидејќи таа беше условот на Заев

Андоновски: Бизарно е СДСМ да се оградува од Јанева и СЈО, бидејќи таа беше условот на Заев

Бизарно е сега СДСМ да се одлепува од СЈО и од бонусите на СЈО, со изговор епа тие си правеле таму нешто и ние ништо не знаеме, кога огромен дел од луѓето кои што се вработени во СЈО се синови, ќерки, деца, внуци и братучеди на сегашни и поранешни владини функционери. Да не заборавиме еден податок а тоа е дека 4 месеци преговорите за Јавното обвинителство беа застанати затоа што аргументот на Заев и министерката за правда беше дека Катица Јанева е услов, ова го истакна советникот за меѓународни односи Стефан Андоновски од ВМРО-ДПМНЕ во вечерашното гостување во емисијата Само вистина.

Андоновски вели дека жално е што Републичкото јавно обвинителство не реагирало и не покренало истрага за трошењето на државните пари од страна на Јанева и СЈО кога ВМРО-ДПМНЕ го барале тоа бидејќи тие предупредувале дека постојат индиции за сериозен криминал и злоупотреба.
Жално е што на нашите барања за истрага на Јанева, немаше никаква реакција од Јавното обвинителство. Туку од сега откако се слушна во јавноста дека јаделе по 9 кг лешници Јавното обвинителство започна процедура. Дури за ова прочитав и еден интересен статус каде што вели да не работеле верверици во СЈО, посочи тој.