понеделник, 29. ноември 2021. Вести денес: 135
home Вести

„Алфа“: Зоран Заев ги промени ставовите – принципот „Било кој осомничен нема да биде дел од влада“ веќе не важи

„Алфа“: Зоран Заев ги промени ставовите – принципот „Било кој осомничен нема да биде дел од влада“ веќе не важи

„Секако ќе пуштам писмо до СЈО дали за мене или за мојот владин кабинет има отворено истраги или некој е кривично гонет, или слично, дали има обвинителен акт или слично, и тоа е независната правна институција којашто постои во Македонија“, објавува телевизија Алфа.

„Се во тој момент и се во иднина што ќе се покаже дека некој е осомничен под истрага има обвинителен акт или слично, нема да биде составен дел на новата влада“.

Вака зборуваше македонскиот премиер Зоран Заев на 28-ми мај минатата година, кој најави дека пред да ја формира владата ќе побара писмено известување од Специјалното јавно обвинителство дека никој од неговиот кабинет ниту е осомничен, ниту е под истрага на СЈО. Заев тогаш рече и дека ако во иднина се покаже дека некој е осомничен и е под истрага, нема да биде дел од неговата влада.

Но, како стојат работите денеска? Пред само три дена Специјалното јавно обвинителство ја информираше јавноста дека се отворени шест нови истраги во кои станува збор за основано сомнение за предизвикана финансиска штета на државниот буџет во износ од речиси 80 милиони евра, и во кои истраги е опфатен и потпретседателот на Владата и актуелен вицепремиер за евроинтеграции Бујар Османи. Во ТВ емисија Катица Јанева ја потврди оваа информација.

Иако неколкупати најавуваше отстранување на сите кои ќе бидат осомничени односно под истрага на обвинителствата, ден по објавувањето на новите случаи на СЈО во кои е осомничен вицепремиерот Бујар Османи, премиерот повторно го смени ставот и се предомисли. Сега, не е доволно како што велеше Заев некој да биде осомничен под истрага, туку за нешто тој да преземе, морало да има правосилна пресуда против член на неговата влада.

Инаку, вицепремиерот Бујар Османи ги води преговорите на Македонија за членство во Европската Унија, a воедно е и еден од предлагачите на уставните амандмани со кои се предлага промена на Уставот на Република Македонија.

Па така, прашањето дали премиерот заборавил кој бил неговиот став минатата година, или пак околностите се променети, за сега останува дилема.

Коронавирус