петок, 30. октомври 2020. Вести денес: 141
home Вести

Ако не успее референдумот, Заев ќе си даде оставка

Ако не успее референдумот, Заев ќе си даде оставка

Премиерот Зоран Заев во интервју на телевизијата „1тв“ изјави дека е сигурен дека референдумот за договорот со Грција ќе успее, но доколку не се случи тоа ќе поднесе оставка.

– Ќе си заминам ако не успее референдумот во Македонија, но многу сум сигурен дека ќе успее. Очекувам огромна поддршка од граѓаните и сериозни проценти на поддршка, 77 до 85 отсто, согласно на тоа колкави се процентите на граѓаните кои се изјасниле дали се за ЕУ и НАТО – рече Заев.

Заев додаде дека во владејачката коалиција се уште не размислувале за формулацијата на референдумското прашање, но истакна дека ќе биде поврзано со одлуката за името и со ЕУ и НАТО.

Заев веќе еднаш излажа со оставката

Ветувањето за оставка не е нешто ново кога Зоран Заев е во прашање. Имено, лидерот на СДСМ пред изборите во 2016-та година излезе со ветување дека доколку загуби макар и со 1 глас разлика, ќе си поднесе оставка, но тоа не се случи.

СДСМ и Заев тогаш ја замајуваа јавноста со смешни тврдења дека партијата победила и освоила над 600.000 гласови, а не 436.981 како што преброја Државната изборна комисија. СДСМ во никој случај немаше освоено над 600.000 гласови.

Но, партијата гласовите на сите останати политички партии си ги прикажа како свои и тврдеше дека Заев ги освоил гласовите на Љубчо, Левица, БЕСА, ДУИ и ДПА, иако сите овие партии сами излегле на избори и ги освоиле гласовите.

Дали е можно ново вакво постреферендумско сценарио при евентуално неуспешен референдум, останува јавноста да види, но ретко кој верува дека Заев овој пат би го исполнил ветувањето.

Коронавирус