четврток, 23. јуни 2022. Вести денес: 37
home Македонија

Опожарен „мерцедес“ на автопат Куманово-Скопје

Опожарен „мерцедес“ на автопат Куманово-Скопје
фото илустрација

Автомобил „мерцедес“ со германски регистарски ознаки бил опожарен, вчера кај наплатната станица кај Романовце, информираа денеска од Регионалниот центар за управување со кризи Куманово.

Кумановските пожарникари интервенирале 45 минути и го изгасиле пожарот на автомобилот.

-ТППЕ интервенирале од 14:15 до 15:00часот со едно противпожарно возило и четворица пожарникари, стои во информацијата на РЦУК Куманово.

Случајот го потврдија и од СВР Куманово од каде информираат дека вчера било пријавено дека на автопатот Куманово-Скопје настанал пожар во патничко моторно возило во движење „мерцедес“ со германски национални ознаки управувано од Н.М.(28) од Куманово.

Пожарот бил изгаснат од Територијалната противпожарна единица Куманово, а повредени лица нема. Екипа од СВР Куманово извршила увид на место на настанот.

Коронавирус