сабота, 28. март 2020. Вести денес: 92
Актуелна тема

Од минута во минута за ситуацијата со коронавирусот во Македонија и светот

home Култура

„Женидба“ на Гогољ гостува во МНТ

„Женидба“ на Гогољ гостува во МНТ

Во Македонскиот народен театар вечер ќе биде изведена гостинската претстава „Женидба“ од Гогољ во режија на Милан Караџиќ, копродукциски проект меѓу Народно позориште Приштина и Српско народно позориште од Нови Сад.

Претствата ги тематизира и исмева општествените аномалии – лицемерието, желбата за статус по секоја цена, робувањето на нормите на граѓанското општество, а според режисерот, за да ги разбереме ликовите на Гогољ денес, сѐ што треба да направиме е да се погледнеме во огледало.

– Женидбата за која тој говори не е женидба од љубов. Тоа е општествена обврска, статусен симбол, исполнување  форма за која неговите ликови мечтаат, и токму тоа ги прави комични. Иако се поминати многу години од кога е напишана драмата, сите тие аномалии сѐ уште се актуелни и присутни во секое општество, па и во нашето, и за нив е секогаш потребно да се говори низ театарот, вели режисерот Караџиќ.

Во претставата играат: Jeлена Орловиќ, Милена Јакшиќ, Аника Грујиќ, Милан Васиќ, Игор Дамњановиќ, Милорад Капор, Небојша Ѓорѓевиќ, Бојан Стојчетовиќ, Бранко Бабовиќ, Тамара Томановиќ, Бранко Бабовиќ.

Костимограф е Драгица Лаушевиќ, а сценографијата и изборот на музиката се на режисерот Милан Караџиќ.