четврток, 23. јуни 2022. Вести денес: 119
home Култура

„Невестински соништа“ на Битолскиот музеј за граѓаните од Драч

„Невестински соништа“ на Битолскиот музеј за граѓаните од Драч

Во организација на Македонската амбасада во Република Албанија, вчера во Драч беше отворена изложбата „Невестински соништа, касели и ковчези од Битола и Битолско“ од богатиот фундус на Заводот и Музеј Битола.

Мери Стојанова и Наде Геневска-Брачиќ се авторки на изложбата која се реализираше во соработка со градоначалничката на Драч, Емиријана Сако, и Археолошкиот музеј на Драч.

Како што објави Амбасадата на Република Македонија во Тирана, уникатноста на поставката во која беа претставени градски носии и ковчези од крајот на 18 и почетокот на 19 век, предизвикаа внимание не само меѓу жителите на градот, туку и кај туристи кои престојуваат во овој медитерански град.

– Во своето обраќање амбасадорот Данчо Марковски, потенцирајќи го значењето на овој вид соработка меѓу Северна Македонија и Албанија, повика на потребата од заеднички туристички настап на двете земји на меѓународниот туристички пазар, кои меѓу другото се поврзани и со Виа Игнација, стои во објавата на Амбасадата.

Изложбата беше повод и за потпишување Меморандум за соработка меѓу двата музеја, коишто на пригоден начин го одбележаа и Светскиот ден на музеите – 18 Мај.

Коронавирус