четврток, 16. септември 2021. Вести денес: 55
home Култура

„М“ на Вардан Тозија награден во Пула: Марко среде свет обземен со вирус си ја бара својата мајка

„М“ на Вардан Тозија награден во Пула: Марко среде свет обземен со вирус си ја бара својата мајка

Играниот филм „М“ на режисерот Вардан Тозија, во продукција на „Фокус покус филмс“, е награден во програмата „Works in Progress (Филмови во изработка)“ на годинашниот Интернационален филмски фестивал во Пула.

-Во конкуренција со уште десет селектирани меѓународни филмски проекти во фаза на постпродукција, филмот „М“ беше успешно презентиран од продуцентот Дарко Попов. Реномираното интернационално жири, во состав Сајмон Пери, британски продуцент, Вања Калуџерчиќ, уметничка директорка на ИФФ Ротердам и Хавиер Анри Рашид, сопственик на агенцијата за продажба на филмови Film Republic, се одлучи наградата за постпродукциски услуги во вредност од 12.000 евра да му ја додели на македонскиот филм. Копродукциската соработка од наградата се реализира со студиото „Слипвокер“ од Прага, соопшти „Фокус покус филмс“.

Филмот „М“ – копродукција помеѓу Македонија, Хрватска, Косово и Франција, е дистописка бајка, приказна за осумгодишниот Марко кој во суровиот и мрачен свет обземен со таинствен вирус, е во потрага по својата мајка.

– Со одлука на Агенцијата за филм, вториот филм на режисерот Вардан Тозија и третиот на продуцентот Дарко Попов влезе во категоризацијата „дебитантски“, со што беше пролонгирана неговата реализација, наведува продукцијата на филмот. (МИА)

 

Коронавирус