среда, 14. ноември 2018. Вести денес: 124
home Хроника

Возач загинал, едно лице повредено откако комбе излета од патот Прилеп-Кичево

Возач загинал, едно лице повредено откако комбе излета од патот Прилеп-Кичево

Едно лице го загуби животот, а друго е полесно повредено во сообраќајна несреќа која се случила вчера на патот Прлеип-Кичево.

Од полицијата информираат дека несреќата се случила околу 12 часот во атар на селото Русјаци во момент кога товарно возило „Фиат Дукато“ со скопски регистарски ознаки, управувано од Р.З.(60) од село Самоков-Македонски Брод, излетало од патот и удрило во дрво.

-На пат за болницата во Прилеп, Р.З. им подлегнал на повредите, а сопатникот С.А. (18) од село Ковач-Македонски Брод бил пренесен во Медицински центар Кичево, каде му биле констатирани телесни повреди., информираат од МВР.

Увид на местото на настанот извршила екипа од Полициската станица Македонски Брод. По наредба на Јавен обвинител, телото на починатиот било дадено на обдукција.