среда, 18. септември 2019. Вести денес: 73
home Хроника

Во Охрид потона педалинка на која биле млади момчиња

Во Охрид потона педалинка на која биле млади момчиња

Секторот за внатрешни работи од Охрид соопшти за инцидент што викендов се случил на Охридското Езеро, што минал без повредени лица.

Станува збор за инцидент случен на 31 август, кога потонала педалинка што за рекреација ја изнајмиле три млади лица од Гостивар.

Имено, во 14.15 часот 21-годишно лице од Гостивар пријавило дека околу 13.10 часот педалинката што заедно со уште две лица исто така од Гостивар ја изнајмиле на плажа и со која се возеле по езерото, почнала да тоне на оддалеченост од триесеттина метри од брегот. Притоа двете лица испливале на брегот, а лицето што го пријавило случајот во полиција со помош на лица од друга педалинка што била во близина било префрлен на брегот.

На местото на настанот е извршен увид, а по добиените насоки од јавен обвинител педалинката е одземена и со записник предадена на полициски службеници.