петок, 16. април 2021. Вести денес: 150
home Хроника

Вистинска драма во Волково: Во обид да го спаси нејзиното куче од комшиското, настрадала и таа

Вистинска драма во Волково: Во обид да го спаси нејзиното куче од комшиското, настрадала и таа

Вистинска драма се случувала неодамна во дворот на 70-годишна Дана Солаков, во скопската населба Волково. Жената едвај спаси жива глава откако врз неа се нафрлило куче кое влегло во нејзиниот двор. Дана се здоби со телесни повреди кои веднаш и биле санирани во болница, ама иако се поминати околу месец и пол од случката, на раката ѝ стојат белезите од кучешките заби, а деновиве ја чека и операција на раката која и настрадала во немилиот настан.

Таа тврди дека ја нападнало кучето на соседот кое влегло во нејзиниот двор и се нафрлило врз нејзиното милениче, а во обид да го спаси, настрадала и таа и нејзиното куче.

– Мојата пудлица Боби сакаше да излезе во двор. Само што ја отворив вратата од куќата се појави комшиското куче и кога го видов го повлеков Боби внатре, ама успеа со канџите да ме изгребе на раката. Се исплашив многу. Викнав обезбедување, а потоа и полиција. Направија записник и си заминаа – вели Дана и додава дека и по овој настан кучето шетало низ нејзиниот двор двор, а бидејќи било многу агресивно, неа ѝ било страв да излегува надвор, објави Вечер.

Во болница и ги санирале повредите, ама иако се поминати околу месец и пол од случката, на раката и стојат белезите од кучешките заби, а деновиве ќе мора да оди на операција бидејќи има хематом како последица на повредата.

Од здобиените повреди почина миленичето на Дана, кученцето Боби.

Синот на Дана, Мајкл, кој живее во Њу Џерси, САД, во телефонски разговор изјави дека за целиот случај ќе бара судска разврска, а парите од отштета ќе ги даде во хуманитарни цели.

Тужба за вознемирување најави и сопственикот на кучето, кој во телефонски разговор негира дека неговиот пес ја каснал жената и нејзиното милениче.

Коронавирус