четврток, 1. октомври 2020. Вести денес: 136
home Хроника

Уапсени паланчани кои ограбиле бензинска, еден од нив нападнал полицаец

Уапсени паланчани кои ограбиле бензинска, еден од нив нападнал полицаец

Полициски службеници од СВР Куманово пред три дена го лишиле од слобода Е.Ј.(38) од Крива Паланка поради тоа што заедно со уште две лица извршил кражба на над 50 различни предмети од бензинска пумпа во Куманово.

-Според пријавеното, во наведеното, тој и двете лица искористиле прилика кога на бензинската пумпа имало повеќе луѓе и во неколку наврати ги одзеле предметите и ги ставиле во патничко возило „сузуки гранд витара“ со бугарски национални ознаки, кое било паркирано пред пумпата. Тие биле забележани од вработените по што била повикана полиција и агенција за обезбедување. Е.Ј. бил лишен од слобода, додека при преглед во возилото биле пронајдени предметите. По приведувањето во СВР Куманово, Е.Ј. почнал да се однесува агресивно и физички нападнал еден полициски службеник. По преземени мерки, во врска со настанот биле приведени и Д.М.(33) и С.С.(36), двајцата од Крива Паланка, информираат од полицијата.

По целосно документирање на случајот против тројцата ќе биде поднесена кривична пријава поради сомнение за сторено кривично дело „кражба“, додека против Е.Ј. ќе биде поднесена и кривична пријава поради „напад врз службено лице при вршење работи на безбедноста“.

Коронавирус