среда, 20. јануари 2021. Вести денес: 0
home Хроника

Тешка сообраќајка во тетовско, повредени 10 лица

Тешка сообраќајка во тетовско, повредени 10 лица

Десет лица се повредени од кои едно со потешки повреди во сообраќајна несреќа што се случи денеска околу 14.30 часот на регионалниот пат Пирок – Тетово кај селото Долно Палчиште, изјави портпаролот на СВР Тетово Марјан Јосифовски.

Според неговите податоци во несреќата учествувале две возила со тетовски регистарски таблички, Форд транзит што го управувал З.М.(49) од Боговиње и Мицубиши Пајеро што го управувал Н.А.(36).

Во сообраќајката возачот на Пајерото Н.А. се здобил со тешки телесни повреди и по укажаната помош во тетовската Клиничка болница како итен случај бил префрлен на скопските клиники.

Возачот на Фордот З.М. и уште осум патници што се превезувале во комбето се здобиле со полесни повреди.

Увид на местото од несреќата извршиле јавен обвинител и екипа на СВР Тетово и се работи на утврдување на поединостите, причините и материјалната штета во оваа собраќајна несреќа.

МИА

Коронавирус