четврток, 28. јануари 2021. Вести денес: 5
home Хроника

Тешка сообраќајка на влезот на Охрид, три лица повредени

Тешка сообраќајка на влезот на Охрид, три лица повредени

Од Министерството за внатрешни работи информираат дека вчера во 19 часот било пријавено дека на магистралниот  пат Охрид-Кичево после мостот кај влезот за с.Горенци се случила сообраќајна незгода помеѓу патничко моторно возило „Шевролет“ со скопски регистерски таблици управувано од K.Х.Х.(55) од Скопје и автобус  “Ивеко“ со охридски регистерски таблици управувано од Ч.К.(57) од Охрид.

Како што пишува во дневниот билте на МВР во незгодата со тешки телесни повреди се здобил возачот на патничкото возило, кој со возило на Итна медицинска помош бил пренесен во болницата „Свети Еразмо“ каде му била укажана лекарска помош.

Со телесни повреди се здобил возачот на автобусот кој со возило на Итна медицинска помош бил пренесен  во болницата „Свети Еразмо“. Со телесни повреди се здобила и патник во  автобусот И.Ќ.(21) од Охрид која исто така со возило на Итна медицинска помош пренесена била во болницата „Свети Еразмо“ за укажување на лекарска помош. Извршен бил увид на местото на настанот од страна на увидна екипа од СВР-Охрид и се работи на целосно расчистување на случајот.

Коронавирус