среда, 2. декември 2020. Вести денес: 188
home Хроника

Сообраќајни несреќи и полициски контроли во тетовско во ноември

Сообраќајни несреќи и полициски контроли во тетовско во ноември

Едно лице го загубило животот, три се здобиле со тешки  и 41 лице завршило со полесни телесни повреди, додека во 29 несреќи била причинета само материјална штета во вкупно 61 сообраќајна несреќа што во текот на ноември се случиле на поширокото тетовско подрачје, информираа од СВР Тетово.

Според полициската статистика, најчести причини за несреќите биле неприлагодена брзина според условите на патот – во 17 случаи, во 10 наврати тоа било неправилно вршење дејствие, непочитување првенство на минување со седум случаи и други. Најголемиот број од сообраќајките или 28 од нив се случиле на тетовските улици , на автопатот Гостивар-Тетово-Скопје биле забележани 13 сообраќајки и 12 случаи на регионалниот пат Тетово-Јажинце.

Во истиот период во тетовско полицијата контролирала вкупно 5.384 возила, при што биле откриени и законски санкционирани 2.201 сообраќајни прекршоци. Поради тоа во ноември од сообраќај биле исклучени 135 возила и 240 возачи. Откриените прекршоци биле заокружени со 581 прекршочен и 1.178 мандатни платни налози, како и со 87 времено одземени возачки и 52 сообраќајни дозволи, додека 418 возачи впишале негативни бодови.

Коронавирус