четврток, 24. септември 2020. Вести денес: 127
home Хроника

Шест сообраќајки во Скопје, четворица полесно повредени

Шест сообраќајки во Скопје, четворица полесно повредени
фото илустрација

Четири лица се полесно повредени во три од вкупно шест сообраќајки регистрирани во текот на вчерашниот ден на подрачјето на СВР Скопје.

Во три незгоди е причинета материјална штета.

Од МВР информираат дека вчера сообраќајната полиција открила и санкционирала поголем број прекршоци. Дванаесет возачи се движеле со поголема брзина од дозволената, шест возачи поминале на црвено светло, тројца возачи не дале првенство на минување на пешаци и тројца возачи за неправилно престигнување.

Од сообраќај се исклучени тројца возачи кои возеле под дејство на алкохол, 14 возачи пред да се стекнат со право на управување на моторно возило и двајца возачи почетници, како и 14 технички неисправни возила. Санкционирани се и 10 пешаци кои не поминале на пешачки премин и двајца пешаци кои поминале на црвено светло. Затекнати биле 103 непрописно паркирани возила.

Со помош на специјалното возило пајак отстранети се 95 возила.

Коронавирус