сабота, 22. септември 2018. Вести денес: 53
home Хроника

Шест лица повредени во сообраќајки вчера во Скопје

Шест лица повредени во сообраќајки вчера во Скопје

На подрачјето на СВР Скопје вчера се случиле вкупно 11 сообраќајни незгоди. Во шест од сообраќајките со полесни повреди се здобиле шест лица, а во пет била причинета материјална штета.

Од СВР Скопје информираат дека вчера сообраќајната полиција открила и санкционирала поголем број прекршоци. Шеесет и двајца возачи се движеле со брзина поголема од дозволената, двајца возачи поминале на крстосница на црвено светло и пет возачи на велосипед со мотор, мопед и мотоцил за не користење на заштитен шлем

Од сообраќај, биле исклучени вкупно 23 возачи и тоа седум возачи кои го управувале возилото под дејство на алкохол, 13 возачи пред да се стекнат со право на управување на моторно возило и тројца возачи почетници. Исклучени биле и седум нерегистрирани возила. Затекнати биле 32 непрописно паркирани возила.

Со помош на  специјалното возило пајак, отстранети биле 41 возило.

Денеска ќе се одржи и посебна воспитна мерка – сообраќајна поука на која ќе присуствуваат граѓани учесници во сообраќајот кои сториле прекршоци по разни основи во својство на возачи (мобилен, појас, престројување и брзина).

МИА