среда, 20. јануари 2021. Вести денес: 20
home Хроника

Разбојник направил драма: Украл моторна пила, па со нож му се заканувал на сопственикот

Разбојник направил драма: Украл моторна пила, па со нож му се заканувал на сопственикот

Основното јавно обвинителство Гостивар донесе Наредба за спроведување истражна постапка против 48 – годишен гостиварец поради постоење на основано сомнение дека го сторил кривичното дело – Разбојничка кражба од член 238 став 4 во врска со став 1 во врска со член 19 (во обид) од Кривичниот законик.

Осомничениот делото го сторил на 30.11.2020 година, околу 13:30 часот во с. Речане, кога бил затечен во кражба и со употреба на опасно оружје – нож, се заканил дека непосредно ќе нападне врз животот и телото на едно лице.

Тој ја прескокнал оградата и ја обил влезната врата на куќата на оштетениот. Започнал да претура по предметите, по што одзел една моторна пила и тргнал да ја напушти куќата. Кај влезната врата бил спречен од страна на оштетениот кој за таа намена поставил пластична столица на влезот.

Откако осомничениот увидел дека не може да излезе, извадил нож со дрвена рачка и должина на сечилото од 30 сантиметри и почнал да се заканува на оштетениот, по што со едната рака го турнал оштетениот и побегнал.

Во насока на обезбедување услови за непречено одвивање на кривичната постапка, јавниот обвинител кој постапува во предметот до надлежниот суд достави Предлог за определување на мерката притвор за осомничениот. Основниот суд Гостивар го прифати предлогот на обвинителството и на осомничениот со Решение му определи притвор во траење од 30 дена.​

Коронавирус