сабота, 23. јануари 2021. Вести денес: 11
home Хроника

Приведени лица во тетовско, угостителски објекти работеле за Нова Година

Приведени лица во тетовско, угостителски објекти работеле за Нова Година

Во периодот од 22.55 часот на 31.12.2020 до 01.40 на 01.01.2021 часот полициски службеници од СВР Тетово спровеле акциска контрола во угостителски објект и казино во с.Жеровјане, тетовско, кои работеле по дозволеното време и во нив престојувале гости, соопштува МВР.

Притоа, од слобода биле лишени А.А.(30) од с.Боговиње, тетовско, и Б.П.(29) од Тетово, одговорни лица во објектите. Тие биле задржани во полициска станица за понатамошна постапка и ќе им бидат изготвени записници по чл.206 од Кривичниот законик, поради постоење основи на сомнение за сторено кривично дело „непостапување според здравствените прописи за време на епидемија“. Исто така, во објектот бил приведен и Б.К.(50) од с.Форино, гостиварско, поради агресивно однесување и непостапување по наредба на полициски службеник. По целосно расчистување и документирање на случајот ќе следи соодветен поднесок.

На 31.12.2020 во 23.50 часот полициски службеници од СВР Тетово го лишиле од слобода Ф.А.(57) од с.Порој, тетовско, сопственик на угостителски објект на ул.„Маршал Тито“ во Тетово, кој работел по дозволеното време и во кој престојувале неколку гости. Тој бил задржан во полициска станица за понатамошна постапка и ќе му биде изготвен поднесок по чл.206 од Кривичниот законик поради постоење основи на сомнение за сторено кривично дело „непостапување според здравствените прописи за време на епидемија“.

Коронавирус