среда, 20. ноември 2019. Вести денес: 180
home Хроника

ПОВРЕДЕН ПЕШАК: Автомобил излетал од пат и удрил во кабина на автобуска постојка во Куманово

ПОВРЕДЕН ПЕШАК: Автомобил излетал од пат и удрил во кабина на автобуска постојка во Куманово

Дваесет и двегодишен возач од Куманово, утрово излетал од булеварот „Октомвриска револуција“, удрил во пешак и во кабина од автобуска постојка, информираше денеска СВР Куманово.

-Утрово во 06:15 часот на булeварот „Октомвриска револуција“ во Куманово, 22-годишниот Ј.Ф. oд Куманово, управувајќи патничко возило „шкода октавија“ со кумановски регистарски ознаки, изгубил контрола, излетал од коловозот и удрил во кабина од автобуска постојка, а потоа и во 37-годишниот пешак Р.К. од Куманово. Во незгодата пешакот и возачот се здобиле со повреди и биле пренесени во болницата во Куманово за укажување на лекарска помош, наведуваат од СВР Куамново.

Увид на местото извршила екипа од полицијата во Куманово.