вторник, 11. август 2020. Вести денес: 65
home Хроника

Откриени 211 мигранти кај Гевгелија, приведен возачот

Откриени 211 мигранти кај Гевгелија, приведен возачот

Полициски службеници од Регионалниот центар за гранични работи и миграција- Југ при Бирото за јавна безбедност вчера вечерта во атар на село Стојаково забележале товарно возило „даф“ со скопски регистарски ознаки, кое се движело по земјен пат од с.Стојаково кон регионалниот пат Гевгелија – Богданци.

-Кога се вклучило на патот и се упатило кон Гевгелија, полициските службеници дале знак за запирање на возилото. При контрола, во возилото биле пронајдени 211 мигранти од Бангладеш и Пакистан. Од нив 144 се од Бангладеш, а 67 од Пакистан. Од вкупниот број на пронајдени мигранти 63 се малолетни лица, информираат од МВР.

Мигрантите биле пренесени во Прифатниот транзитен центар во Гевгелија за понатамошна постапка, а возачот Е.П.(27) од Скопје биле приведен во Полициската станица Гевгелија и по целосно документирање на случајот против него ќе биде поднесена соодветна пријава.

Коронавирус