петок, 25. септември 2020. Вести денес: 181
home Хроника

Oсум лица повредени во сообраќајка на влезот од Гостивар

Oсум лица повредени во сообраќајка на влезот од Гостивар

Осум лица се задобиле со повреди откако на еден од влезовите на Гостивар се судриле автомобил и комбе. Меѓу повредените е и малолетено лице кое без дозвола управувало со едното возило.

Според СВР Тетово, утрово, околу 6 часот и 50 минути, на надвозникот на влезот во Гостивар се случила сообраќајна несреќа во која учествувале две патнички моторни возила со гостиварски регистарски ознаки, „фолксфаген голф“ управуван од 16-годишник од Гостивар и комбе „мерцедес“ што го управувал С.С.(34), исто така, од Гостивар.

Во несреќата, двајцата возачи и шест сопатници (три машки и три женски лица) од Гостивар и гостиварско Здуње, на возраст од 30 до 58 години, здобиле телесни повреди и пренесени се во гостиварската болница „Ферид Мурад“ за укажување на лекарска помош.

На местото на несреќата увид извршила екипа од Полициската станица Гостивар.

Коронавирус