четврток, 21. јануари 2021. Вести денес: 26
home Хроника

МВР со детали за хаосот во Радишани

МВР со детали за хаосот во Радишани
фото: 24инфо

На 27.12.2020 околу 01,15 часот на ул.„Бутелска“ се случила сообраќајна незгода во која учествувале возило „дачија дастер“ сопственост на МВР, во кое биле двајца полициски службеници и патничкото моторно возило „мерцедес“ со скопски регистарски ознаки, управувано од М.Т.(19) и сопатник И.Х.(18) двајцата од Скопје, кои бегале од полициската екипа по претходно нарушување на јавниот ред и мир.

Во незгодата двајцата полициски службеници и И.Х. се здобиле со телесни повреди.

-Претходно, била добиена пријава дека околу 01,00 часот на бензинска пумпа на подрачје на Чаир бил нарушен јавниот ред и мир со физичка пресметка помеѓу М.Т.(19) и И.Х.(18) двајцата од Скопје кои биле со патничко моторно возило „мерцедес“ со скопски регистарски ознаки, од една страна и М.Ф.(34), М.О.(21) и А.И.(50) сите од Скопје кои биле со патничко моторно возило„фолксваген голф,, со скопски регистарски ознаки, од друга страна, по што сите учесници го напуштиле местото на настанот, информира МВР.

Подоцна од полициски службеници било запрено возилото „фолксваген голф“ и приведени се М.Ф., М.О. и А.И. Извршен е увид на местото на настанот и се преземаат мерки за расчистување на случајот.

Коронавирус