вторник, 19. јануари 2021. Вести денес: 21
home Хроника

Лишен од слобода македонскиот државјанин осомничен за двојното убиство во Тирана

Лишен од слобода македонскиот државјанин осомничен за двојното убиство во Тирана

Албанската полиција го лиши од слобода македонскиот државјанин кој претпладнево со истрели од огнено оружје усмрти две жени во Тирана.

-Како резултат на интензивните акитвности и опколувањето на пошрокото подрачје, полициските служненици го уапсија македонскиот државјанин Перпарим Адеми (59) осомничен за двојно убиство. Уапсениот се наоѓа во Управата на полицијата во Тирана, за понатамошна постапка, стои во полициското соопштение.

Како што претходно информраше директорот на полицијата на Тирана, Ребени Јаупи, македонскиот државјанин претпладнево околу 10:20 часот во нивниот дом во Тирана, во населбата „Астир“ смртно ги застрелал Кристина Барди, со која живеел во вонбрачна заедница и нејзината сестра Жанета Метани, пред очите на две малолетни деца.

Според првичните истражни дејствија, до инциедентот дошло по расправија меѓу Адеми и Барди околу продолжувањето на вобрачната заедница, која Барди сакала да ја прекине.

Адеми според полицијата пред неколку години го сменил претходното презиме Тела, живеел и во Македонија и во Тирана, а од пред неколку месеци само во Тирана.(МИА)

Коронавирус