недела, 29. ноември 2020. Вести денес: 83
home Хроника

Киднапирање во Тетово: Го малтеретирал, го соблекол и му ги одземал мобилните, па го оставил во пустелија

Киднапирање во Тетово: Го малтеретирал, го соблекол и му ги одземал мобилните, па го оставил во пустелија

Триесет и осумгодишник од Тетово доби притвор од 30 дена за грабнување на 26 годишник од градот за кое тетовската полиција извести дека е пријавено на 3 март. На тој ден М.Х (38) се сомничи дека вечерта околу 22 часот и 30 минути, најпрво телефонски го повикал И.Б (26), а потоа со употреба на сила го внел во неговото возило „фолксфаген голф”.

-Со возилото во кое имало уште две лица од Тетово, се упатил кон селото Фалише. Набрзо, застанале на земјен пат покрај нива, а М.Х. физички го малтретирал И.Б., го извадил надвор од возилото и му ја соблекол и одзел облеката и два телефони, додека нешто подоцна му го вратил одземеното и со возилото се оддалечил од местото, а И.Б. пешки и потоа со такси се упатил кон Тетово, информира денеска СВР Тетово.

М.Х. вчера бил лишен од слобода, а денеска е изведен пред судија во претходна постапка на Основниот суд Тетово, кој му ја определил мерката притвор. Се сомничи за кривично дело „грабнување” според член 141 од Кривичниот законик.

Коронавирус