понеделник, 1. јуни 2020. Вести денес: 17
Актуелна тема

Од минута во минута за ситуацијата со коронавирусот во Македонија и светот

home Хроника

Казна од 2.000 евра за три лица од Скопје, не ја почитувале мерката за смоизолација и полициски час

Казна од 2.000 евра за три лица од Скопје, не ја почитувале мерката за смоизолација и полициски час

Основното јавно обвинителство Скопје поднесе предлози за изрекување казни од по 2 000 евра за три лица од Скопје за непостапување според здравствените прописи за време на епидемија, од кои две за непочитување на полициски час и еден за прекршување на задолжителна самоизолација по враќање од странство.

– Првиот обвинет, на 26 март, пристигнувајќи на граничниот премин Блаце, потпишал изјава дека ќе спроведе самоизолација во период од 14 дена во неговиот дом во кумановско Никуштак, бидејќи се враќал од земја со среден/висок ризик за ширење на заразната болест Ковид-19. Меѓутоа, без да се пријави на надлежните, самоволно ја напуштил собата за изолација на граничниот премин и влегол во автомобил „Цитроен Ксара“ во сопственост на друго лице кое го повикал по телефон, па заедно се упатиле кон Скопје. Полициските службеници од граничниот премин Блаце тргнале по нив и кај местото викано Вражји Вир, на околу еден километар од граничниот премин, ги запреле и ги вратиле на преминот, информриаат од ОЈО.

Останатите две обвинети лица, информираат од ОЈО, и двете на возраст од 20 години, на 25 март во 23:50 часот биле затекнати како се движат по улица „Јадранска Магистрала“, со што не постапиле според Одлуката за забрана и посебен режим за движење на територијата на Република Северна Македонија.

Надлежните јавни обвинители за трите обвинети лица му предложија на Основниот кривичен суд да определи парична казна од 100 дневни глоби, при што висината на секоја дневна глоба да биде одредена на 20 евра во денарска противвредност.​ Лицата се обвинети за кривично дело „непостапување според здравствените прописи за време на епидемија“ од член 206 став 1 од Кривичниот законик.

Коронавирус