понеделник, 18. јануари 2021. Вести денес: 46
home Хроника

Две лица под сомнение за насилство во Гостивар

Две лица под сомнение за насилство во Гостивар

Основното јавно обвинителство од Гостивар отвори постапка против две лица осомничени дека извршиле кривично дело „насилство“, а Судот им определи притвор во траење од осум дена.

– Осомничените, од кои едниот со двојно државјанство на Република Северна Македонија и на Босна и Херцеговина, а другиот државјанин на Босна и Херцеговина, на 18 октомври влегле во дворот на семејната куќа на едно лице од гостиварското село Неготино. Притоа, најпрвин започнале да тропаат на вратата, а откако од куќата излегле три лица -– сопственикот, неговата сестра и неговиот внук, осомничените со дрвени предмети (летви) започнале да ги удираат оштетените, нанесувајќи им повреди, информира Јавното обвинителство.

Ценејќи дека се исполнети законските основи, надлежниот јавен обвинител побара за двете лица да биде определена мерка притвор. Судот го прифати ваквиот предлог и на осомничените им определи притвор во траење од осум дена.

Коронавирус