понеделник, 16. декември 2019. Вести денес: 12
home Хроника

Деветнаесет лица повредени во 15 сообраќајки во Скопје

Деветнаесет лица повредени во 15 сообраќајки во Скопје

Деветнаесет лица се здобиле со лесни телесни повреди во 10 сообраќајни незгоди од вкупно 15 што се случиле изминатото деноноќие на подрачјето на Град Скопје. Во пет сообраќајни незгоди е причинета материјална штета.

Според податоците на СВР Скопје, од сообраќај се исклучени 25 возачи кои се движеле со поголема брзина од дозволената, еден возач кој возел под дејство на алкохол, 13 возачи пред да стекнат со правото на управување на моторно возило, еден возач почетник и 14 нерегистрирани возила.

Санционирани се и осум возачи за неносење на сигурносен појас и седум возачи кои зборувале на мобилен телефон додека возеле.

За непрописно паркирање се издадени 77 казни, а со специјалното возило „пајак“ подигнати се 84 возила.

Санкционирани се 14 пешачи кои поминале коловоз подалеку од пешачки премин, четири возачи кои поминале крстосница на црвено светло, четири возачи кои не дале првенство на минување на пешаците на обележан пешачки премин, шест за неправилно престорјување и еден за неправилно престигнување.

Казнети се и четворица возачи за некористење заштитен шлем додека возеле мотор, мопед или мотоцикл.