среда, 23. септември 2020. Вести денес: 132
Во живо

Протест на ВМРО-ДПМНЕ против неправдите, реваншизмот и насилството на мафијата на Заев

home Хроника

Четворица македонски државјани повредени во сообраќајка во Албанија

Четворица македонски државјани повредени во сообраќајка во Албанија

Четворица македонски државјани, жители на Дебар се повредени во сообраќајната несреќа што претпладнето се случила на делницата Булќиза-Ќафа е Буалит, која е дел од автопатот „Руга е Арбрит“, јави албанската агенција Балкан веб.

Според албанската полиција, на која се повикува агенцијата, четворицата патувале за Тирана со автомобил марка „цитроен“ со македонски регистарски таблички, кој излетал од патот кај месноста викана „Вајкал“.

– Првичните сознанија од увиот потврдуваат дека поради неприлагодената брзина со условите на патот, Н.В.(66) кој управувал со возилото изгубил контрола и излетал од коловозот, кој, во тој дел, има оштетувања од лизгање на земјиштето. Со повреди се здобиле возачот и тројцата патници во автомобилот, стои во соопштението од Полицискиот комесаријат од Пешкопеја.

Возачот и повредените М.Б, Р.К. по укажана прва медициска помош во болницата во Булќиза се пуштени на домашно лекување, додека сопатничката М.В. е транспортирана на понатамошно лекување во регионалната болница во Пешкопеја.

Ова е трета сообраќајна несреќа во Албанија овој месец во која учествува македонски државјани. Претходните две, едната на 27, а другата на 16 август се случија на патниот правец Либражд-Прењас, во близина на албанско-македонската граница, кај преминот „Ќафасан“. Во соообраќајките патниците се здобија само со лесни повреди. (МИА)

Коронавирус