среда, 28. јули 2021. Вести денес: 117
home Хроника

Албански државјани осомничени за тешки кражби во Гостивар​

Албански државјани осомничени за тешки кражби во Гостивар​

Гостиварското обвинителство поведе постапка против двајца државјани на Република Албанија, за кои постои основано сомнение дека сториле продолжено кривично дело – Тешка кражба од член 236 став 1 точка 1 во врска со членовите 22 и 45 од Кривичниот законик.

Осомничените, како соизвршители, со употреба на штрафцигер, преку подрумските простории, насилно влегле во две куќи во гостиварско, од каде одзеле телевизор, таблет, рачни часовници, накит и други вредни предмети.

На 22 март полициски службеници извршиле претрес во напуштена куќа во која престојувале осомничените, кои биле затекнати и лишени од слобода, а биле пронајдени и противправно одземените предмети од кривичните дела.

Постапувајќи по поднесениот предлог на јавниот обвинител, судијата на претходна постапка од Основниот суд Гостивар на осомничените им определи мерка притвор во траење од осум дена.

Коронавирус