сабота, 20. јули 2019. Вести денес: 30
home Економија

УЈП ја објави новата листа на должници, проверете дали сте во неа

УЈП ја објави новата листа на должници, проверете дали сте во неа

Управата за јавни приходи (УЈП) ја објави петтата Листа на должници за долгови доспеани до 31.01.2019 и неплатени до 30.04.2019 година по основ на ДДВ, данок на добивка, персонален данок на доход, придонеси од задолжителни социјално осигурување, акцизи и царини.

Проверете дали се наоѓате на листата ТУКА.

Вкупно објавениот нето долг изнесува 8.700.077.184 денари, што е за 817.171.580 денари помалку од претходната листа. Нето долгот за даноци и придонеси изнесува 8.569.230.137 денари, што е за 807.747.529 денари помалку од претходната листа, додека долгот за царински давачки е 130.847.047 денари, што е за 9.424.051 денари помалку од претходниот месец.

На оваа Листа на должници се најдоа 1.934 правни лица како должници, што е за 75 повеќе од претходниот месец и 2.409 физички лица, што е за 183 повеќе од претходната листа.

Физичките лица и самостојни вршители на дејност што се наоѓаат во оваа листа имаат долгови повисоки од 120.000 денари, додека кај правните лица тој надминува 300.000 денари.