вторник, 10. декември 2019. Вести денес: 167
home Економија

Просечна плата во Македонија: Далеку се Заевите 500 евра, во септември 25.435 денари

Просечна плата во Македонија: Далеку се Заевите 500 евра, во септември 25.435 денари

Просечната месечна исплатена нето-плата по вработен, во септември 2019 година, изнесува 25.435 денари и според објавените податоци на Државниот завод за статистика бележи раст од 4,4 отсто во однос на септември лани.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: транспорт и складирање за 8,8 отсто, административни и помошни услужни дејности за 7,9 отсто и дејности на здравствена и социјална заштита за 7,3 отсто.

Зголемување на просечната месечна исплатена нето-плата по вработен, во однос на претходниот месец, е забележано во секторите јавна управа и одбрана, задолжително социјално осигурување за пет отсто, образование три отсто и преработувачка индустрија за 1,9 отсто.

Просечната месечна исплатена бруто-плата по вработен, во септември 2019 година, изнесува 37.797 денари.

Како што е познато актуелната владејачка гарнитура дојде на власт со ветувањето од СДСМ и актуелниот премиер Зоран Заев дека за време на нивниот мандат просечната плата во Македонија ќе биде 500 евра, односно 30.000 денари.